Tila lumalalim na ang gabi
Nais ng sambitin sa aking mga labi
Na lisanin at wakasan na ang kabaliwan
Pagkat ang nais ko ay mag iwanan
Sa dako roon may naghihintay
Dala ang pag asang ibinigay
Lulan ng mga mensaheng aking ipinabatid
Sandali na lang po mahal kong kapatid
Di ko nais pa na sayangin ang sandali
Ang maghintay ay di madali
Ngunit lahat ng ito’y mapapawi
Lumitaw lamang sa aming tabi
Dadating pa ba o hindi na?
Nauubos na ang aking pasensya
Lumagay sa sitwasyon ng iba
Naintindihan nyo na ba?
